Sizi “Səbail”in düşdüyü çətin durumdan xəbərdar etmişik. Maliyyə problemləriylə üzləşən komanda vəziyyətdən çıxış yolu axtarsa da, tapa bilmir. Klubun satışı da gündəmdədi, yeni sponsorun tapılması da. Ancaq hələ hadisələrin axarı hansısa irəliləyişdən xəbər vermir. Klubdaxili iclasın keçirilməsi də yubanır.

Belədə Futbolun İnkişaf Fondu (FİF) yada düşür. Düzdü, qurumun missiyası bölgə klublarına yardım etməkldi. Ancaq “Səbail”in vəziyyətini və bu yaxınlarda bölgəyə köçmək ehtimalının böyük olduğunu nəzərə alıb, FİF-in icraçı direktoru Tural Piriyevə müraciət etdik. O, “Football-plus.az”a açıqlamasında qurumun Bakı klublarıyla əməkdaşlıq etmədiyini, hazırda planda belə bir şey olmadığını dedi.

Görünür, “dənizçilər”in işi Allaha qalıb...

KƏNAN BAHADIR