Roberto Martines tezliklə iş yerini dəyişməyi düşünür.

"Football-plus.az" xəbər verir ki, Portuqaliya yığmasının baş məşqçisi dünya çempionatından sonra vəzifəsindən gedə bilər. “TalkSPORT” nəşrinin məlumatına görə, 52 yaşlı ispaniyalı mütəxəssis bu ilin iyulunda müddəti sona çatacaq müqaviləsini yeniləməmək qərarına gəlib. Martines yığmanın DÇ-2026-dakı nəticəsindən asılı olmayaraq, Portuqaliyadan ayrılacaq. O, gələcəkdə İngiltərəyə qayıtmaq və ya başqa bir milli komandaya rəhbərlik etmək variantlarını da nəzərdən keçirir.

Martines Portuqaliyanı 2023-cü ildən çalışdırır. O, bundan əvvəl 2016-22-ci illərdə Belçika yığmasına rəhbərlik edib.