Əlbəttə, Zlatan İbrahimoviçin futbol aləmində daha çox populyarlıq qazanmasında sözü üzə demək cəsarəti heç də az rol oynamayıb. O, hələ yeniyetmə yaşlarından qeyri-adi açıqlamaları ilə diqqəti cəlb edib.

"Football-plus.az" belə fikirlərindən bəzilərini təqdim edir.

- Siz “Ferrari” almısız, amma bu maşını FIAT kimi idarə edirsiz.[/b]
- Bu fikri əminliklə söyləyə bilərəm: mənim olmayacağım dünya çempionatını izləməyin mənası yoxdu.
- Videooyunda mənim vurduğum qolu təkrarlaya biləcəyinizi düşünmürəm. Hərçənd indi oyunlar reallığı çox əks etdirir.
- Karyunun topla etdiyini mən portağal ilə edə bilirəm.
- “Barselona”da oyunçulara öz idman avtomobilləri ilə harasa yollanmaq qadağan edilmişdi. Əvvəlcə buna inanmadım: mənim hansı maşınla hərəkət etməyim heç kimi narahat etməməlidi. Buna görə, “Almeriya” ilə oyundan əvvəl işə “Ferrari Entso”m ilə yollandım.
- Mən 11 mövqedə oynaya bilirəm, ona görə ki, yaxşı futbolçu harda desən, orda da oynamalıdı.
- Portuqaliya ilə oyunların nəticəsi necə olacaq? Bunu yalnız Tanrı bilir... Və sən jurnalist indi Onunla danışırsan.
- Mən əvvəlcə sola döndüm, o da sola döndü. Sonra mən sağa yönəldim, o da sağ tərəfə gəldi. Sonra yenidən sola döndüm, Stefan Anşo isə hot-doq almağa yollandı.
- Mən sənə bilərəkdən xəsarət yetirmədim və sən bunu yaxşı bilirsən. Rafael (niderlandlı Van der Vaarta xitab edir – red.), məni bir də ittiham etsən, növbəti dəfə hər iki ayağını sındıracam və səni bilərəkdən zədələyəcəm!
- Pep mənə baxdı və o anda başımı itirdim. Onun haqqında “mənim düşmənim budu” kimi düşündüm. “Sənin kişiliyin yoxdu” və “lənətə gələsən” deyə qışqırdım. Özümə heç cür hakim ola bilmirdim. Qvardiolanın mənə cavabında nəsə deyəcəyini gözləmək olardı. Amma o, onurğasız qorxaq kimi məkanı tərk etdi və bu hadisəni heç vaxt xatırlamadı.
- Siz Zlatanı istəyirdiniz, mən onu sizə bəxş etdim. Buyurun. Tarix davam edir. Artıq Los Ancelesdən ayrılıram, siz isə gedin beysbol izləyin!
- Parisdə ailəmiz üçün ev axtarırıq. Tapa bilməsək, sadəcə, yaşamaq üçün otel alacağıq.
- Fransaya qəhrəman kimi gəlmişdim, indi isə buranı əfsanə kimi tərk edirəm.
- Helenanın hədiyyə almaması nə deməkdi? Ona Zlatanı hədiyyə etmişəm.
- Bu səhər yuxudan ayılanda yağış yağırdı. Öz-özümə dedim ki, futboldan gedişimə hətta Tanrı da məyusdu...