"Kəpəz"in yeni baş məşqçisinin Arif Əsədov olacağı bəllidi. Klub yaxın günlərdə uzun müddət millidə köməkçi məşqçi kimi çalışmış mütəxəssislə imzalanan müqavilənin detallarını açıqlayacaq.

İş ondadı ki, "sarı-göylər"in mətbuat xidmətinin rəhbəri Gəray Qiyasov saytımıza açıqlamasında baş məşqçi məsələsinin həll olunmasından əvvəl kluba yeni sədr təyin ediləcəyini bildirmişdi. İddialara inansaq, artıq həmin şəxsin kimliyi də bəllidi. Belə ki, klubun yeni rəhbəri Anar Abdullayev olacaq.

Gəray bəy "Football-plus.az"a növbəti açıqlamasında təyinatların bu həftənin ilk iki-üç günü ərzində rəsmən elan ediləcəyini dedi.

Xatırladaq ki, başa çatan mövsümdə 10-cu yeri tutan "Kəpəz" premyer-liqada qalıb. "Sarı-göylər"in 2026/27 mövsümündə ev oyunlarını Gəncə şəhər stadionunda keçirəcəyi gözlənilir.

KƏNAN BAHADIR