İsmael Saybari tezliklə klubunu dəyişəcək.

"Football-plus.az" xəbər verir ki, PSV-nin futbolçusu karyerasını “Bavariya”da davam etdirəcək. Münhen klubu 25 yaşlı mərakeşli hücumçunun transferi ilə bağlı razılığa gəlib. Saybari son mövsüm erediviziyada meydana çıxdığı 37 oyunda 19 qol vurub və 9 məhsuldar ötürmə edib. O, uğurlu çıxışı ilə Niderland çempionatının ən yaxşı oyunçusu seçilib.

Bir neçə gün əvvəl “Bavariya” rəhbərliyi PSV-yə transfer təklifi verib və artıq oyunçu ilə müddəti 2031-ci ilə qədər nəzərdə tutulan müqavilə razılaşdırılıb. Sonra klublar transferlə bağlı şifahi razılığa gəliblər. Müqavilənin rəsmiləşməsi yaxın günlərdə ABŞ-də keçirilməsi nəzərdə tutulan tibbi müayinədən sonra gözlənilir.