Emiliano Martinesin səhhəti ilə bağlı növbəti xəbər yayılıb.

"Football-plus.az" xəbər verir ki, Argentina yığmasının qapıçısı dünya çempionatının qrup mərhələsində Əlcəzairə qarşı keçiriləcək matçda iştirak edə biləcək. Onun son tibbi müayinələri uğurla başa çatıb və əlindəki gips çıxarılıb. Martines barmağını Avropa Liqasının finalından əvvəl isinmə zamanı zədələmişdi. Buna baxmayaraq, “Aston Villa”nın “Frayburq” üzərində 3:0 hesablı qələbə qazandığı matçda sona qədər meydanda olmuşdu.

Məlumata görə, təcrübəli qapıçı qarşıdakı oyunlarda barmağını qorumaq üçün xüsusi əlcəklərdən istifadə edəcək. Emilianonun iyunun 17-nə keçən gecə Əlcəzairə qarşı keçiriləcək oyuna start heyətində çıxacağı gözlənilir.