“Günah kimdədisə, Allah bəlasını versin” - bəd xəbərdən sonra Tovuzdan ilk reaksiya
Məlum olduğu kimi, “Turan Tovuz”un Konfrans Liqasından kənarlaşdırılandan sonra atdığı addımlar işə yaramadı. Daha dəqiqi, CAS dünən klubun şikayətini təmin etmədi.
Bəs, kimdi günahkar? Başverənlər komandaya necə təsir edəcək?
Bu suallarla “Ultras Turan” fanklubunun rəhbəri Kamal Saqqayevə müraciət etdik. Onun “Football-plus.az”a cavabı:
“Çox böyük təəssüf hissi keçiririk. Günahkar kimdi bilmirik, amma səbəbkarları axtarmaq lazımdı. Günah kimdədisə, Allah bəlasını versin. Bu qərarı qınayırıq. Haqqımız yeyildi. Komanda ayın 13-dən Türkiyədədi. Geriyə yol yoxdu. Daha da irəli getməliyik. Rəhbərliklə danışığımız olub. Komandanın yanındadılar. İnşallah, yeni mövsümdə daha yaxşı, möhkəm, güclü “Turan Tovuz” görəcəyik. Çempionluq uğrunda mübarizə aparacağıq”.
Xatırladaq ki, “bozqurd” son mövsümü 3-cü pillədə tamamlamışdı...
KƏNAN BAHADIR
Digər xəbərlər
