Bu gün gəncəli futbolsevərləri bir sual düşündürür. Görəsən, “Kəpəz” yeni mövsümdə necə olacaq, Tərlan Əhmədov baş məşqçi postunda qalacaq, yoxsa onu başqası əvəzləyəcək? Mövsümboyu “sarı-göylər”in düşərgəsində həyat “qaynar qazan” kimi qaynasa da, çempionat başa çatdıqdan sonra sanki donub.

Hərdən elə təəssürat yaranır ki, mövsümboyu mətbuata həvəslə açıqlama verən, problemlər içində boğulduğunu söyləyən baş məşqçi, onun söylədiklərinə münasibət bildirən rəhbərlik elə bil yayın istisindən təngə gəlib Daşkəsən, Gədəbəy və Göygölün dağlarına istirahətə çəkilib.

Əslində isə heç kim istirahət etmir. Rəhbərlik komandaya yeni baş məşqçi, Əhmədov özünü tapşırmağa nüfuzlu şəxs axtarışındadı. Hər iki tərəf bir-birinin həyata keçirdiyi “əməliyyat”dan xəbərdardı, ancaq maksimum dərəcədə bunu gizli saxlamağa çalışır. Bir sözlə, 9 ay bir-biri ilə açıq müharibə aparanlar indi “saman altında su yeritməyə” çalışırlar.

Bu günlərdə kluba yaxın mənbədən “Football-plus.az”a maraqlı məlumat daxil olub. Bizə informasiya ötürən şəxs İlqar Nadirinin Tərlan Əhmədovu əvəzləyə biləcək məşqçi axtarışına çıxdığını bildirdi. Onu da əlavə etdi ki, klubun rəhbəri artıq bu məqsədlə hazırda işsiz olan Aftandil Hacıyevlə əlaqə saxlayıb, ona “Kəpəz”in baş məşqçisi olmağı təklif edib. Ancaq Hacıyev İdarə Heyətinin sədri ilə söhbətdə “belə aşağı büdcə ilə heç nə etmək olmaz. Ötən il yenə “Kəpəz”lə eyni vəziyyətdə olan “Şamaxı”, “Turan Tovuz” var idi, nəyəsə ümid bağlamaq olardı. Bu il “Kəpəz”in aşkar autsayder olacağı bəllidi” deyərək, təklifi geri çevirib.

Söylənilənlərə aydınlıq gətirmək üçün Aftandil Hacıyevlə əlaqə saxladıq. 41 yaşlı mütəxxəssisin reaksiyası belə oldu: