Premyer-liqada fasilə olsa da, komandalar indidən yeni mövsümün hazırlığına başlayıb. Sadəcə, “Kəpəz”də durğunluqdu. Komandanı, demək olar ki, bir çox futbolçu tərk edib.

Gəncə təmsilçisində növbəti ayrılıq gözlənilir. “Football-plus.az”a daxil olan məlumata görə, nigeriyalı vinger Abdullahi Şuaybuya həm Azərbaycandan, həm də başqa ölkələrdən təkliflər var. Polşa və Macarıstanın elita təmsilçiləri 21 yaşlı futbolçu ilə maraqlanır. Azərbaycanda isə “Qəbələ” afrikalını heyətinə qatmaq istəyir. Bu istiqamətdə futbolçunun meneceri ilə danışıqlar aparılır.

Qeyd edək ki, Abdullahi Şuaybu son mövsüm “Kəpəz”in heyətində 36 matçda 12 qol vurub, 5 məhsuldar ötürmə verib.

İLKİN SULTANLI