Xavi 2021-in noyabrında – Ronald Kuman qovulandan sonra “Barsa”nın “sükanı arxasına” keçdi.

"Football-plus.az" xəbər verir ki, onda komanda ilk 12 oyunda cəmi 4 qələbə qazanmaqla 10-cu pillədə qərarlaşmışdı.

Yeni baş məşqçinin əsas hədəflərindən biri paltardəyişmə otağında intizamın bərpası idi. Xavi Kumanı əvəz edəndə kapitan Serxio Buskets ona demişdi ki, heç bir qayda-qanun yoxdu.

Bu mənada vəziyyət çox tez dəyişdi. Xavi bütün gecikənlər üçün cərimə müəyyənləşdirdi və qərar verdi ki, qaydalar təkrar pozulacağı təqdirdə cərimə məbləği ikiqat artır.

Baş məşqçi həmçinin “komendant saatı” tətbiq etdi, oyunçuların məşqə vaxtından əvvəl gəlməsinə, birliklə yemək masasına əyləşməsinə, onların meydandan kənardakı davranışına, yəni klubun imicinə xələl gətirib-gətirməmələrinə nəzarət etməyə başladı.

Daha bir maraqlı qayda riskli hərəkətlərə qadağa qoyulmasından ibarətdi. Bu qaydanı da Barselonadakı piyada keçidində skuterlə hərəkət edən Riki Puç pozub.

Xavinin “Barsa”da müəyyənləşdirdiyi 10 qayda:

1. Oyunçular məşqin başlamasına 90 dəqiqə qalmış bazada olmalıdı.
2. Personal məşqin başlamasına iki saat qalmış bazada olmalıdı.
3. Oyunçular klubun məşq bazasında qidalanmalıdı.
4. Cərimələr tətbiq olunur.
5. Təkrar qayda pozuntusuna görə cərimə ikiqat artırılır.
6. Oyuna iki gün qalmış futbolçular gecə saat 12-dən gec olmadan evdə olmalıdılar.
7. Oyunçular məşqdə bütün gücünü qoymalıdı.
8. Oyunçuların meydandan kənardakı hərəkəti izləniləcək.
9. Riskli hərəkətlərə icazə verilmir.
10. Yaxşı imic vacibdi.

Xavi bu qaydalaları müyyənləşdirməsinin səbəbini izah edərkən belə demişdi: