İliman Ndiaye DÇ-2026-nın İraqla oyunundakı (5:0) uğurlu çıxışı ilə dünya çempionatlarının tarixinə düşüb.

"Football-plus.az" xəbər verir ki, Seneqal yığmasının hücumçusu 57-ci dəqiqədə meydana daxil olandan sonra matçın gedişatını tamamilə dəyişib. O, həm qol vurub, həm də məhsuldar ötürmə edib. İliman DÇ tarixində ehtiyatdan meydana daxil olub bir qol vuran, bir məhsuldar ötürmə edən, rəqibin cərimə meydançasında beş dəfə topla toxunuş edən və beş uğurlu driblinq tamamlayan ilk oyunçu kimi tarixə düşüb.

Yeri gəlmişkən, Seneqal pley-offda Belçika ilə qarşılaşacaq.