Tarixində ilk dəfə Konfrans Liqasında iştirak edəcək “Sabah” heyətini indidən gücləndirmək niyyətindədi.

“Bayquşlar” hücumun sivri ucuna yeni oyunçu cəlb etmək istəyir. Söhbət danimarkalı Nikola Yorgensendən gedir. 190 sm boya malik forvard hazırda azad agentdi. Hücumçu menecerlər vasitəsi ilə özünü Murad Musayevin rəhbəırlik etdiyi komandaya təklif edib. “Sabah”ın Konfrans Liqasında mübarizə aparacağı da 32 yaşlı forvardın diqqətini cəlb edib. Hazırda klubla futbolçunun menecerləri bu istiqamətdə danışıqlar aparır.

Qeyd edək ki, karyerasına “Bröndbü”də başlayan Nikola Yorgensen fərqli illərdə “Bayer-04”, “Kayzerslaurtern”, “Kopenhagen”, “Feyenoord” və “Kasımpaşa” klublarında çıxış edib.

Adı çəkilən klubların heyətində ümumilikdə 375 qarşılaşmanın iştirakçısı olub. Bu görüşlərdə 121 qol vurub, 53 məhsuldar ötürmə vedib. 32 yaşlı forvard Danimarka millisinin heyətində 39 qarşılaşmada 9 qol vurub.

İLKİN SULTANLI