Yay fasiləsi olsa da, növbəti mövsüm premyer-liqada çıxış edəcək klublar transfer çalışmalarında olduqca fəaldı.

Artıq bir çox əcnəbi futbolçu təmsilçilərimizə təklif olunur. Onlardan biri də Dmitri Yusovdu. 29 yaşlı hücumçu “Sumqayıt” və “Səbail”ə təklif olunub.

Hazırda azad agent olan forvardın son klubu “Çernomorest” olub. Dmitri ötən mövsüm cəmi 4 matçda meydana çıxıb. Bu görüşlərdə 2 qol vurub, 1 məhsuldar ötürmə verib.

Qeyd edək ki, Dmitri Ukraynanın 21 yaşadək milli komandasında çıxış edib. 5 görüşdə meydanda olan hücumçu 1 qol vurmağı da bacarıb.

29 yaşlı forvard indiyə kimi Ukraynanın “Metallurq”, Belarusun “Slutsk”, “Torpedo”, “İsloç”, BATE və Moldovanın “Daçiya” klublarının da formasını geyib.

İLKİN SULTANLI