"Turan Tovuz" üçün, demək olar ki, mövsüm başa çatıb. "Boz qurd" qarşıya qoyulan hədəfin öhdəsindən gəlib. Tovuzlular cari “futbol ili”ndə elitanı tərk etməyəcək. Böyük ehtimalla mövsümü elə hazırda qərarlaşdıqları 6-cı pillədə də başa vuracaqlar.

Ayxan Abbasov isə indədən gələcək haqda düşünür. Mütəxəssis 2023/24 mövsümü üçün güclü komanda formalaşdırmaq istəyir. Bu səbəbdən də indidən futbolçu axtarışına başlayıb. Onu narahat edən iki mövqe var: qapı və müdafiənin sağı. Baş məşqçi əvvəlcə qolkiper problemini həll etmək niyyətindədi. Bu səbəbdən də yaxından tanıdığı biri ilə təmasa keçib. Söhbət Aydın Bayramovdan gedir.

"Sumqayıt"ın qolkiperi "boz qurd"la danışıqlara başlayıb. Ayxan Abbasovun da ona güvəndiyini bilən millinin üzvü bu təklifi müsbət dəyərləndirib. Mövsüm başa çatandan sonra 27 yaşlı qolkiper tovuzlularla münasibətləri rəsmiləşdirəcək.

Qeyd edək ki, Aydın Bayramov bu mövsüm "Sumqayıt"ın heyətində 30 matçda meydana çıxıb. O, bu görüşlərdə 54 qol buraxıb, 8 qarşılaşmada isə qapısını toxunulmaz saxlayıb.

İLKİN SULTANLI