Fransalı hücumçu Kevin Nzuzi karyerasını Azərbaycanda davam etdirə bilər.

"Football-plus.az" xəbər verir ki, 28 yaşlı oyunçu ilə "Neftçi" və "Zirə" klubları maraqlanır. Bu barədə Belçika mətbuatı məlumat yayıb. Forvard son olaraq Belçikanın RWDM klubunda çıxış edib. O, hazırda azad agentdi. Paytaxt təmsilçiləri hücumçu ilə danışıqlar aparır.

Nzuzi 2016/17 mövsümündə Fransanın PSJ klubunun B komandasında da çıxış edib.

Forvard RWDM ilə 52 oyunda 15 qol, 5 məhsuldar ötürmə ilə yadda qalıb.