"Əvvəla onu vurğulayım ki, Şahruddinin Məhəmmədəliyevin sıradan çıxması tək yığma üçün yox, həm qapıçının özü, həm də "Qarabağ" üçün itkidi. Çünki qolu sınan qapıçının zədəsini sağaltması və formasını bərba etməsi xeyli vaxt aparır. Sevindirici haldı ki, artıq məşqləri bərpa edib və onu ehtiyat oyunçular sırasında görürük. Şahruddinə gələcəkdə uğurlar arzu edirəm. Yığmanın qapı xəttinə gəlincə, acı həqiqəti etiraf etməliyik ki, olanımız budu. Son oyunlarda milliyə dəvət alanlar klunlarında "1 nömrədi". Amma görünür, beynəlxalq yarışlar üçün hazır deyillər.

Yığma təcrübəsi olmayan Yusifə birdən-birə seçmə mərhələdə, güclü rəqiblə oyunda şans verilməsi böyük risk idi. Bu risk də özünü doğrultmadı. Məsələyə başqa yöndən yanaşsaq, heç kim təminat verə bilməz ki, Emil və ya Səlahət Avstriya ilə oyunda "çərçivə"ni qorusaydı, qol buraxmayacaqdıq. Bəlkə də daha çox qol buraxacaqdıq.

İstənilən halda tək qapı xətti yox, bütün komanda zəif çıxış etdi. Ümidimizi itirməyib gələcəyə baxmaq lazımdı".