Hüseyn Məhəmmədov fərqli düşünür
Martın 24-də yığmamız seçmə mərhələ çərçivəsində ilk rəsmi oyununu keçirəcək. Rəqib güclü Avstriyadı.
"Football-plus.az" xəbər verir ki, hazırda yığmada ən problemli mövqe qapı xəttidi. Canni de Byazinin sərəncamında 3 "əlcək sahibi" - Səlahət Ağayev, Emil Balayev və Yusif İmanov var. Onlardan hansının daha şanslı olduğunu öyrənmək üçün təcrübəli mütəxəssis Hüseyn Məhəmmədovun fikirlərini öyrəndik:
"Düşünürəm ki, milliyə cəlb olunan hər 3 qolkiper ən layiqlililərdi. Çünki yığmamızın baş məşqçisi Canni de Byazi, demək olar, bütün oyunları canlı izləyir. O cümlədən qapıçıların da çıxışını nəzərdən keçirir. Fikrimcə, hansı qolkiper məşqlərdə özünü yaxşı tərəfdən göstərəcəksə, inamlı olacaqsa, o da şans qazanacaq. Qapıda kimin dayanacağını konkret demək olmur. Hər 3 qapıçı şans qazanmağa layiqdi. Çoxları Yusif İmanovun gənc olmasından və heç vaxt millidə oynamamasından ehtiyatlanır. Amma mən fərqli düşüncədəyəm. "Sabah"ın 20 yaşlı qapıçısına şans verilsə, özünü yaxşı tərəfdən göstərəcəyinə inanıram. Gəlin, İker Kasilyası unutmayaq. Gənc yaşında bir oyuna çıxmaqla "1 nömrə"yə çevrildi. Niyə də Yusif İmanov ilk oyununa çıxmaqla millimizin "1 nömrə"si olmasın? İstənilən halda hər 3 qapıçımıza və yığmamıza qarşıdakı oyunlarda uğurlar arzu edirəm".
ABDULLA İSMAYILOĞLU
Digər xəbərlər
