“Fevralın 4-də keçirdiyimiz oyundan sonra oyunçulara istirahət vermişdik. Bəzi futbolçular Antepdə deyildi. Amma şəhərdə olanlar ailələri ilə birlikdə çox ciddi çətinliklərdən keçməli oldular. Evimdəydim və gecəyarısı güclü uğultu səsinə oynadım. Dərhal uşaqlarıma sarıldım. Silkələnmənin azalmasını gözləyib çölə çıxdıq. Güclü qar yağırdı. Ağlıma dərhal klubun bazasına yollanmaq ideyası gəldi. Telefonumu evdə unutmuşdum. Adətən, 13 dəqiqəyə çatdığım bazaya bu dəfə saatyarıma çatdıq. Gördük ki, oyunçuların hamısı ora yığışıb. Ora birmərtəbəli geniş yerdi. 150 nəfərdən çox adam təxminən 10 gün orda qalmalı olduq. İnsanlar hər şeyi çox tez unudur. Artıq hadisənin üstündən 2 ay ötüb. Təbii ki, zəlzələyə maraq azalır. Amma buralarda həyat hələ də normal səviyyəyə qayıtmayıb. Zəlzələnin yalnız 3-cü həftəsi tamam olandan sonra evimə qayıtdım. Bir çarpayıda uşaqlarla birlikdə 4 nəfər yatırıq. Gecələr hələ də qorxu icində oluruq. Gündüzlər adamın birtəhər başı qarışır. Amma gecə başını yastığa qoyanda yenə vahiməyə düşürsən! Yardımlar mütləq davam etməlidi. Çünki hələ də konteynerlərə ehtiyac var. Biz əslində çempionatdan çəkilmək istəmirdik. Amma oyunçularla keçirdiyimiz toplantıda onlar “bu psixoloji durumla oynaya bilmərik” dedilər. Futbolda baş rollar onlara məxsusdu. Bu üzdən qərarlarını anlayışla qarşıladıq. Bəzi oyunçularla istəmədən də olsa, vidalaşmaq məcburiyyətində qaldıq. Çünki onların bir çoxu ailə üzvlərinin də təzyiqi ilə “bir daha buralara qayıtmayacağıq” deyərək ayrıldılar. Fiqeyredo klubu o qədər sevirdi ki, “İstanbul BŞ”nin təklifini geri çevirmişdi Amma zəlzələdən sonra ayrılmaq istədiyini dedi və onu buraxmağımızı xahiş etdi. Federasiyaya dəstəyə görə təşəkkür edirəm. Daim arxamızdadılar. Gələn mövsüm nə olur-olsun, mütləq elitada oynayacağıq. Bu şəhəri əl-ələ verərək yenidən ayağa qaldıracağıq. İnsanların normal həyata dönməsi üçün futbol çox vacibdi. “Beşiktaş”a yollanan Maksimi əldən vermək istəmirik. Bizim üçün önəmli futbolçudu. Hazırda əlimizdə 7 oyunçu var. “Altyapı”dan gələn yeniyetmələrlə birlikdə artıq iki həftədi ara-sıra məşqlərə başlamışıq. Bazada binanı yox, yalnız meydanı istifadə edə bilirik. 2006, 2007 təvəllüddü oyunçular var. Onların fiziki, psixoloji inkişafına diqqət yetiririk. Bəzən icarədə olan futbolçularımızın oyunlarını izləməyə yollanırıq. Əlimizdəki futbolçulara da tez-tez istirahət veririk. İndidən onları psixoloji cəhətdən yormaq istəmirik”.