Çıxışını dayandıran klubların sayı 10-a çatdı!
Qardaş ölkə sanki Allahın qəzəbinə tuş gəlib.
Football-plus.az xəbər verir ki, fevralın 20-də, bilindiyi kimi, mərkəzi Hataya təsadüf edən 5,8 və 6,4 bal gücündə daha iki zəlzələ baş verdi.
Əvvəlki zəlzələdən sonra qəzalı vəziyyətdə olan daha bir neçə bina dağıldı. Yenə də dünyasını dəyişənlər oldu. Bu arada həmin zələlələrdən sonra italiyalı həmkarlarımız “Qalatasaray” və Türkiyə futbolunun əfsanəsi Fatih Terimə zəng vuraraq onunla söhbətləşiblər. Ünlü mütəxəssis bunları deyib:
“Təəssüf ki, həyat belədi. Aralıq dənizi bölgəsində baş vermiş zəlzələdən əziyyət çəkən bütün insanlar adına çox üzgünəm. Son iki zəlzələ yenidən insanları qorxutdu. Mənim vəziyyətim qaydasındadı. Adanada yaşayan yaxınlarına görə narahatam. Dərhal bacıma zəng vurdum. Şükürlər olsun ki, vəziyyəti qənaətbəxşdi. Onun səsini eşitdikdən sonra bir qədər rahatlaşdım. Mən İstanbulda yaşayıram. Burda zəlzələ hiss olunmadı. Hətta fevralın 6-dakı həmin dəhşətli zələlələr də hiss edilməmişdi. Qarşıdakı saatları telefonda keçirəcəm. Yaxınlarımla daim ünsiyyətdəyəm”.
Yeri gəlmişkən, daha bir klubun Türkiyə Futbol Federasiyasına müraciət edərək çıxışını dayandırdığı məlum olub. Söhbət 3-cü liqanın 1-ci qrupunda yer alan “Elazığspor”dan gedir. Elazığ da zəlzələdən sonra çətin duruma düşən şəhərlərdən biridi. “Elazığspor” bu mövsüm öz qrupunda 21 oyuna 6 qələbə, 6 heç-heçə, 9 məğlubiyyətlə 24 xal toplamış və 11-ci pillədə qərarlaşmışdı. Digər çəkilən klublar kimi elazığlıların da rəqiblərinə sonrakı turlarda texniki qələbə veriləcək. Bununla da Türkiyədə zəlzələdən sonra bu mövsümlük çıxışını dayandıran peşəkar klubların sayı 10-a yüksəlib. Daha öncə superliqadan “Hatayspor”la “Qaziantep”, 1-ci liqadan “Adanaspor”la “Yeni Malatyaspor”, 2-ci liqadan “Adıyamanspor”la “Diyarbəkirspor”, 3-cü liqadan “Kahramanmaraşspor”, “Malatya Arquvanspor” və “Osmaniyəspor” mövsümün qalan hissəsində oynaya bilməyəcəyini açıqlamışdı.
Digər xəbərlər
