“İlqarın açıqlaması ilə tanış deyiləm. Dəqiq bilmirəm AFFA-nın skautu kimi çalışan mütəxəssis nəyi nəzərdə tutub. Ancaq onu deyə bilərəm ki, bizdə istetdalı uşaqlar həmişə olub, var və olacaq. Yəqin ki, Qurbanov başqa ölkələrdə yaşayan azərbaycanlı uşaqları nəzərdə tutub və onları müxtəlif yaş qrupu üzrə yığmalara dəvət etmək istəyir. Əvvəllər də millilərə başqa ölkələrdən – Rusiyadan, Almaniyadan, Türkiyədən yeniyetmə və gənclər dəvət olunub. Lakin yığmaların onurğa sütununu, belə deyək, 99 faizini öz yetirmələrimiz təşkil edib. Bu gün ölkədə uşaq futbolunun inkişafı yönündə böyük işlər gedir. Bilirəm ki, “Sabah” kimi “Neftçi” də bu sahəyə böyük diqqət ayırır. “Qəbələ”ni yaddan çıxartmaq olmaz”.

“Artıq 4 ilə yaxındı Azərbaycanda çalışıram. Ölkənizdə yetərincə istedadlı uşaqlar var. Sadəcə, onları düzgün istiqamətləndirmək lazımdı. Akademiyanın sturuktur düz olarsa, yığmaya, elita klublarına futbolçu vermək mümkündü. Bu gün bizim akademiyanın yetirmələri həm “Sumqayıt”ın əsas komandasına, həm də müxtəlif yaş qrupları üzrə yığmalara dəvət alır”.