Laurentsiu Regekampf: "Belə sözləri şərh edə bilmərəm"
Misli premyer-liqasında 21-ci turun oyunları keçirilir.
"Neftçi" "Sumqayıt"ı məğlub edib - 2:0. Matçdan sonra meydan sahiblərinin çalışdırıcısı Laurentsiu Regekampfın mətbuat konfransı keçirilib. Sizi mütəxəssisin fikirləri ilə tanış edirik:
"Bizim üçün yaxşı oyun oldu. Əvvəldən sona qədər nəzarət bizim tərəfimizdə idi. Şanslar zamanı daha konsentrasiyalı olmalı və ötürmələri daha tez etməliyik. Hesaba görə o qədər də emosiyalarım çox olmadı. Bu inamı mənə futbolçularım verib. Meydana çıxma formaları məndə inam yaratdı. Bu cür davam etməliyik. Artıq ikinci oyundu, eyni heyətlə çıxış edirdik. Bu, komanda üçün çox müsbət haldı. Belədə, bir-birlərini daha yaxşı tanıyırlar və oyunumuz yaxşılaşmağa doğru gedir".
- “Sumqayıt”ın baş məşqçisi Samir Abasov komandasının daha yaxşı oynadığını söylədi…
- Buna nə cavab verim? Belə sözləri şərh edə bilmərəm. Oyuna baxmalı və nəticəni görməlisiz. Bu, onun fikridir və hörmətlə yanaşmalıyıq.
- Azər Əliyev sanki mərkəzdə özünü narahat hiss edir. Bununla razısız?
- Düşünürəm ki, bu mövqedə oynaya bilər. Daimi çıxış etdiyi mövqe sol cinahdı. Orada bizim üçün yaxşı oyunlar keçirib. Eddi bizimlə olmadığı üçün yerli oyunçuya ehtiyacımız var. Məncə, hazırda onu mərkəzdə oynatmaq ən yaxşı çıxış yoludu. Azərin oyunundan razıyam. İkinci oyundu, bu mövqedə oynayır və qələbə qazanırıq. “Sabah”a uduzmuşduq. Təlim-məşq toplanışından yeni qayıtmışdıq. Bizim üçün çətin oldu. Amma oyundan oyuna futbolçuların inamı artır və bir-birlərini daha yaxşı anlayırlar.
