AFFA bu futbolçunu milliyə cəlb etmək üçün danışıq aparır – RƏSMİ
"Ximki"də çıxış edən Ayaz Quliyev "RB Sport"a açıqlamasında Azərbaycan millisində oynamaq istədiyini bildirib.
Yarımmüdafiəçi federasiya tərəfindən yekun addım atılmadığını da qeyd edib.
Görəsən, AFFA Ayaz Quliyevlə danışıqları nə vaxt yekunlaşdıracaq? "Football-plus.az" saytı olaraq sualımızı millinin skautu İlqar Qurbanova ünvanladıq:
"Ölkə xaricində çalışan hər bir futbolçu diqqətimdədi. Hamı ilə maraqlanır, danışıq aparıram. Bütün futbolçulara da milli komandanın qapısı açıqdı. Əlbəttə, baş məşqçi həmin şəxsi komandada görmək istəyirsə. AFFA rəhbərliyi də ölkə xaricində çıxış edən azərbaycanlıları diqqətdə saxlayır. Hansısa təmənna güdməyən, şərtsiz Azərbaycan millisində çıxış etmək istəyən futbolçularla mütəmadi görüşürük. Bundan öncə baş məşqçinin istəyi ilə yığmanın heyətinə bəzi oyunçular cəlb olunub. Ayaz Quliyevlə də danışıqlar davam edir. Amma hələ ki rəsmi nəsə yoxdu".
İLKİN SULTANLI
Digər xəbərlər
