PFL premyer-liqanın yayını ilə bağlı xarici şirkətdən cavab gözləyir - AÇIQLAMA
Misli premyer-liqasının fasilə ərəfəsində baş tutan oyunları PFL-in rəsmi "yutub" kanalı vasitəsiylə yayınlanmadı.
Qurum bu hüququ "insports.tv"yə vermək üçün danışıqlara başladı. Hətta sınaq məqsədiylə bir neçə qarşılaşma məhz adı çəkilən beynəlxalq internet yayın şirkəti tərəfindən yayınlandı. Lakin 19-cu turun dünən baş tutan "Sumqayıt" - "Turan Tovuz" matçını yenidən PFL-in rəsmi "yutub" kanalından izləmək mümkün oldu. Maraqlıdı, qurumla şirkət arasında əməkdaşlıq baş tutmayıb? Bundan sonrakı matçları "insports.tv"dən, yoxsa PFL-in "yutub" səhifəsindən izləmək mümkün olacaq?
Bu suallara aydınlıq gətirmək üçün PFL-in Media və Marketinq Departamentinin rəhbəri Sənan Abdullayevlə əlaqə saxladıq. Onun "Football-plus.az" saytına açıqlaması belə oldu:
"Ötən həftə "insports.tv"yə sonuncu test ötürüşü idi. Bu həftə qəti cavab verməlidilər. Ondan sonra ya müqavilə bağlayacağıq, ya da əvvəlki kimi “yutub” səhifəmizdə yayına davam edəcəyik. Bizim tərəfdən hər şey qaydasındadı. Sadəcə, onlar bu həftə geniş iclas keçirib bizim çempionatı yayınlayıb-yayınlamamaq haqda qərar verəcəklər. Onların istədikləri bütün detalları yerinə yetirmişik. Etiraf etdilər ki, bu cür operativliyi gözləmirdilər. Artıq son qərar onlara məxsusdu".
ŞAİR ABDULLA
Digər xəbərlər
