Mbappe etiraz dalğasının əsasını qoydu
Dünən Zidanla bağlı da qalmaqal yaşandı.
Football-plus.az xəbər verir ki, 50 yaşlı əfsanənin Fransa yığmasını çalışdırmaq istəyi heç kimə sirr deyildi.
Ən son xəbərlərdə qeyd olunurdu ki, gözünü Deşamla bağlı xəbərlərə dikən Zizu məhz bu üzdən ABŞ, Portuqaliya və Braziliya yığmalarından gələn təklifləri rədd etmişdi. Amma göründüyü kimi, onun arzusu reallaşmadı. Dünən FFF prezidenti Noel Le Qre “RMC Sport”un əməkdaşları ilə görüşdə Deşamın müqavilə müdətinin yenilənməsi barədə fikir mübadiləsi aparakən gözlənilmədən Zidanla bağlı nəinki sarkastik, hətta aşağılayıcı ifadələr işlətdi:
“Gözəl bilirəm ki, Zidanın bir qulağı həmişə biz tərəfdə idi. Mənə bununla bağlı nağıllar danışmaq lazım deyil. Onun çoxlu tərəfdaşları var idi. Hamısı da Deşamın getməsini gözləyirdi. Amma siz mənə deyin görüm, Deşamı nədə günahlandırmaq olar? Heç nədə. Nəticələri göz önündədi. Konkret bir matçda zəif təsir bağışlaya bilərik. Amma onun bu 10 il ərzində gördüyü işi çox yüksək qiymətləndirirəm. Zidan Braziliya yığmasında? Açığı, buna çox təəccüblənərdim. Hərçənd bu mənim işim deyil və ürəyi hara istəyirsə, ora da gedə bilər. Onunla heç vaxt görüşüm olmayıb. Ümumiyyətlə, bir an belə Deşamla yolları ayırmaq barədə düşünməmişəm. Mətbuatda bu haqda yazılanların çoxu yalandı. Jurnalistlər bilmir, nə yazsın. Ona görə də pis şeylər yazırlar. Dediyim kimi Zidan istədiyi yığmaya və ya kluba gedə bilər. Mənimlə əlaqə saxlamağa çalışıbmı? Xeyr. Amma zəng vursaydı belə, onun zənginə cavab verməzdim! Nə üçün cavab verim? “Özünə yeni klub tap” demək üçün? Bəlkə ona yeni iş yeri tapmaq üçün xüsusi müsabiqə keçirək?”
Fransa futbol ictimaiyyəti tərəfindən onsuz da çox da sevilməyən Le Qrenin bu sözləri böyük ajiotaj doğurdu. Maraqlıdı ki, Zizunun tərəfini ən birinci saxlayan Le Qre ilə münasibətləri heç de ideal olmayan Kilian Mbappe oldu: “Zidan elə Fransa deməkdi. Əfsanəyə belə hörmətsizlik etmək olmaz”. Mbappenin bu tvitinə Fransanın bir çox məşhur siması dəstək verdi. Fransalı siyasətçi Nikolya Kaden bunları yazdı: “Təşəkkür edirik, Mbappe. Futbolda irqçiliyin olmaması barədə dediyi absurd ifadədən sonra Le Qre növbəti dəfə sübut etdi ki, bu vəzifəni icra etməyə layiq deyil. Onun sözləri qəbuledilməzdi”.
Fransa futbol ictimaiyyəti tərəfindən onsuz da çox da sevilməyən Le Qrenin bu sözləri böyük ajiotaj doğurdu. Maraqlıdı ki, Zizunun tərəfini ən birinci saxlayan Le Qre ilə münasibətləri heç de ideal olmayan Kilian Mbappe oldu: “Zidan elə Fransa deməkdi. Əfsanəyə belə hörmətsizlik etmək olmaz”. Mbappenin bu tvitinə Fransanın bir çox məşhur siması dəstək verdi. Fransalı siyasətçi Nikolya Kaden bunları yazdı: “Təşəkkür edirik, Mbappe. Futbolda irqçiliyin olmaması barədə dediyi absurd ifadədən sonra Le Qre növbəti dəfə sübut etdi ki, bu vəzifəni icra etməyə layiq deyil. Onun sözləri qəbuledilməzdi”.
Basketbolçu Evan Furnye isə “bu nə hörmətsizlikdi? Bu iyrənc axmaq tərəfindən hələ nə qədər söz eşitməliyik ki, onu vəzifəsindən kənarlaşdırsınlar?” şərhini yazdı. Fransanın idman naziri Ameli Udea-Kastera isə Le Qreni üzr istəməyə dəvət etdi:
“Yenə hay-küylü açıqlama. Futbol və idman tarixinin ən böyük əfsanələrindən birinə qarşı inanılmaz hörmətsizlik. Bu vəzifəni tutan şəxs belə danışmamalıdı. Zidanla bağlı dediklərinizə görə üzr istəyin”.
Məşhur aktyor Omar Si, eləcə də sabiq futbolçular Frank Riberi ilə Mehdi Benatiya da Mbappeyə dəstək verdilər. Fanatlar isə PSJ-nin və yığmanın liderini bu açıq sözlülüyünə görə təriflədilər. Daha sonra məsələyə “Real” da qoşuldu. Klubun rəsmi açıqlamasında Zidan kimi hər kəsin təqdir etdiyi əfsanəyə münasibətdə belə hörmətsizliyin qəbuledilməz olduğu vurğulandı. Madrid nəhəngi fürsət düşmüşkən Le Qreni həm Zidana, həm də Benzemaya qarşı sözlərinə görə üzr istəməyə dəvət etdi.
Belə ki, 81 yaşlı federasiya prezidenti Deşamın Benzemanı mundialdan evə göndərməsini düzgün qərar adlandırmış və “əvəzində Jiru parlaq turnir keçirdi, bəlkə də Benzema ilə bu qədər qol vura bilməzdik” açıqlamasını vermişdi. Nəhayət, etiraz dalğası qarşısında “ağ bayraq qaldırmalı” olan Le Qre sözlərinə görə üzr istədi:
“Bu ifadəmə görə üzr istəyirəm. Bu sözlər mənim düşüncələrimi, eləcə də Zidanın oyunçu və məşqçi karyerasına olan münasibətimi qətiyyən əks etdirmir. Bəlkə də “RMC Sport” agentliyinə bu açıqlamanı verməməliydim. Çünki onların Deşamla Zidan arasında intriqa yaratmağa çalışdığını hiss etmişdim. Onların hər ikisi Fransa futbolunun böyük şəxsiyyətidi. Düzgün sözlər seçmədiyimi etiraf edirəm. Bu da anlaşılmazlığa yol açdı. Zidan bilir ki, mən də bütün fransız xalqı kimi ona böyük hörmətlə yanaşıram”.
Digər xəbərlər
