Fransa Futbol Federasiyasının prezidenti Noel Le Qre "Real"ın sabiq baş məşqçisi Zinəddin Zidanın Fransa millisini çalışdıracağı ilə bağlı yayılan iddialara münasibət bildirib.

"Football-plus.az" xəbər verir ki, o, mütəxəssisin PSJ-nin baş məşqçisi ola biləcəyini söyləyib:

“Dediklərimizdə diqqətli olmalıyıq. Zidan Madriddə göstərdi ki, o, məşqçiyə lazım olan bütün keyfiyyətlərə malikdir. Fransızların fikrincə, o, Deşamın davamçısı ola bilər. Nələr olacağını görəcəyik. Didye ilə yolları ayırsaq, o, mütləq variantlardan biri olacaq. Hazırda Zinəddin Zidanın PSJ-ni çalışdırmaq ehtimalı güclüdür.

Milli komandanın baş məşqçisi ilə bağlı onu da deyə bilərəm ki, bu gün biz hər şeyi etməliyik ki, Didye Deşam qarşıdan gələn dünya çempionatında qalib gəlmək üçün ən rahat şəraitə malik olsun”.