3 dişi, çənəsi və üz sümüyü qırılan futbolçudan açıqlama: ''Dua edin''
Argentina – Səudiyyə Ərəbistanı oyununda tək hesab yox, həm də ərəblərin futbolçusu Yasser Əl-Şahraninin ağır zədəsi futbol ictimaiyyətini şoka salmışdı.
Football-plus.az xəbər verir ki, Əl-Şahrani bir epizodda öz qapıçısı Məhəmməd Əl-Ovais ilə toqquşmuşdu. 30 yaşlı futbolçunun burnunun, 3 dişinin, çənəsinin, üz sümüyünün qırıldığı və onun hətta toqquşmadan sonra daxili qanaxma keçirdiyi məlum olmuşdu. Bu məsələyə hətta ölkənin yüksək vəzifəli şəxsləri də qarşımalı oldu. Səudiyyə Ərəbistanı şahzadəsi Məhəmməd bin Salmanın qərarı ilə bu ölkədən Qətərə özəl təyyarə göndərildi. Əl-Şahrani əməliyyat olunmaq üçün həmin təyyarə ilə Almaniyaya göndərildi. Əməliyyatdan sonra futbolçunun durumunun hazırda normal olduğu məlum olub. Əl-Şahrani qısa açıqlama verərək bunları deyib:
"Artıq narahatlığa ehtiyac yoxdu. Vəziyyətim yaxşıdı. Mənim üçün dua edin. Möhtəşəm zəfər münasibəti ilə bütün xalqımızı təbrik edirəm. Hamınız bu sevinci yaşamağa layiqsiz. Hamınıza təşəkkür edirəm''.
Digər xəbərlər
