Ərəblər Ronaldonu öz ölkələrində görmək istəyir
Səudiyyə Ərəbistanı Futbol Federasiyasının rəhbəri Yasser Əl-Misehal karyerasının bəlkə də ən çətin dönəmini keçirən Kriştiano Ronaldo haqda açıqlamalar verib.
Football-plus.az xəbər verir ki, qurumun sədri portuqaliyalı superulduzu öz ölkələrində görmək istədiklərini gizlətməyib:
''Kriştiano kimi futbolçunu Səudiyyə Ərəbistanı çempionatında kim görmək istəməz ki? Bu, ölkədə futbola marağı bir qədər də artırar və hamı üçün çox böyük bir xəbər olardı. Ronaldo öz rekordları və qolları ilə bütün dünyada məhşurdu. Eyni zamanda gənclər üçün çox gözəl örnəkdi. Ölkəmizə gəlişi niyə də baş tutmasın? Təbii ki, onu alan klub böyük pullar xərcləməli olacaq. Amma son illərdə Klublarımızın gəlirləri bir xeyli artıb. Daha öncə premyer-liqada oynamış futbolçuların ölkəmizə gəlişini son dönəmlərdə çox izləmişik. Ronaldo və ya onun səviyyəsində bir oyunçunun da gəlməsini istərdik''.
Xatırladaq ki, bu yay Səudiyyə Ərəbistanı təmsilçisi ''Əl-Hilal'' Ronaldoya rəsmi təklif irəli sürən yeganə klub olmuşdu. Amma ''Qızıl top''un beşqat qalibi təklifi geri çevirmişdi.
Digər xəbərlər
