Serblər Atamanı suçladı, o isə ittihamı rədd etdi
Serbiyanın idman nəşrləri son günlər “Efes”in və Türkiyə basketbol yığmasının baş məşqçisi Ərgin Atamanı hədəf seçib.
Football-plus az xəbər verir ki, həmkarlarımızın fikrincə, tanınmış mütəxəssis komandasının oyun qurucusu Vasile Mitsiçi bilərəkdən Serbiya yığmasının düşərgəsinə buraxmayıb. İş ondadı ki, Serbiya və Türkiyə yığmaları DÇ-2023-ün təsnifat mərhələsində eyni qrupda yer alıb.
Bazar ertəsi bu komandalar arasında keçirilən oyun serblərin minimal üstünlüyü (77:76) ilə başa çatıb. Qrupdan növbəti mərhələyə üç komanda çıxacaq. Serbiya hazırda 13 xalla 2-ci, Türkiyə isə 11 xalla 4-cü pillədə qərarlaşıb.
Ataman son iki ildə Avroliqada “4-lər finalı”nın MVP-si seçilən Mitsiçi yığmanın düşərgəsində bilərəkdən buraxmaması ilə bağlı ittihama belə cavab verib:"Klubumuz lap əvvəldən Mitsiçin yığmada oynamasının əleyhinə idi. Ancaq Mitsiçin oynamaq arzusu fonunda Serbiya yığması təzyiq etməyə başlayandan sonra klub ona getməyi qadağan etdi. “Barselona” ilə vacib Avroliqa oyunu ərəfəsində tam heyətlə məşq etmək istəyirdik. Şeyn Larkinin yoxluğunu da nəzərə almalıyıq. Biz eynilə bir başqa serb basketbolçunu – Nikola Kaliniçi buraxmayan “Barselona” kimi hərəkət etmişik. Bu qərar milli hisslərin təsiri altında verilməyib. Klub rəhbərliyi ilə birgə belə qərar verdik. Ərgin Atamanın təkbaşına Mitsiçə icazə verməməsi ilə bağlı xəbər Serbiya mediasının təxribatıdı”.
Digər xəbərlər
