"Qarabağ"ın futbolçusu Abdullah Zubir Avropa Liqasının qrup mərhələsinin 5-ci turunda "Nant"a uduzduqları görüşü şərh edib.

"Footbal-plus.az" xəbər verir ki, "CBC Sport"a danışan yarımmüdafiəçi 1:2 hesabıyla başa çatan görüşlə bağlı bunları deyib:

"Çalışdıq ki, öz oyunumuzu nümayiş etdirək. Məyusedicidi. Son dəqiqədə qol buraxdıq. Bu, futboldu. İrəli baxmalıyıq. Hədəfimiz mərhələ adlamaqdı. Ümid edirəm ki, "Frayburq"la oyunda istədiyimizi nəticəni əldə edəcəyik.

Möhtəşəm atmosfer var idi. Ümumiyyətlə, Fransaya qayıtmaq mənim üçün özəldi. Ailə üzvlərim buradadı. Buna baxmayaraq, nəticəyə görə buradan məyus dönürəm".