Avropa Liqasının qrup mərhələsinin 5-ci turunda keçirilən "Nant" - "Qarabağ" oyunundan sonra meydan sahibi komandanın baş məşqçisi Antuan Kombuare fikirlərini bildirib.

"Footbal-plus.az" xəbər verir ki, mütəxəssis 2:1 hesabıyla qələbə qazandıqları görüşlə bağlı bunları deyib:

"Bu, sevincdən daha çox şeydi. Qürur. Futbolçularımı müstəsna performanslarına görə təbrik edirəm. Təslim olmayan bir komandaya sahib olduğum üçün şanslıyam. Azarkeşlərimizin sayəsində futbolçularımızın etdiklərindən ləzzət almalıyıq.

Futbolda ayıq və təvazökar olmaq lazımdı. Biz hələ qara zolaqdan tam çıxmamışıq. Mənim üçün yaxşı nəticə ardıcıl 5-6 oyunda qələbə qazanmaqdı. Artıq 3 belə matçımız var. Deməli, nəsə başlayır, başımızı sudan çıxarırıq. İnanıram ki, “Qarabağ” üzərində qələbə dönüş nöqtəsi olacaq”.

Alban Lyafonun seyvləri var idi və biz "Qarabağ"ın müdafiəsini sındırmağı fikirləşirdik. Həmçinin İqnatius Qanaqonun qolu, daha əvvəl rəqib qapıçının oyunçumuza ötürməsini qeyd etməliyik. Bu istiqamətdə irəliləməyə davam etmək lazımdı".