"Ronaldo bu məsələdə haqlıdı" - Ten Haq
"Mançester Yunayted"in baş məşqçisi Erik Ten Haq futbolçusu Kriştiano Ronaldonun İngiltərə çempionatının 11-ci turunun "Nyukasl"la oyununda əvəzlənməsindən narazı qalmasına münasibət bildirib.
"Footbal-plus.az" Britaniya mətbuatına istinadən xəbər verir ki, o, portuqaliyalı hücumçunun bu məsələdə haqlı olduğunu deyib: "Məncə heç bir oyunçu əvəzlənən zaman xoşbəxt olmaz. Xüsusilə, Ronaldo da başqa münasibət göstərə bilməz. Ronaldo bu məsələdə haqlıdı. Normal münasibət göstərdiyi müddətdə problem olmayacaq. Ancaq yaxşı oynamağa davam etməli və qol vurmalı olduğuna inanmalıdı. Buna görə də məyusluğu normaldı".
Qeyd edək ki, Ronaldo sözügedən görüşdə meydana start heyətində daxil olub və 72-ci dəqiqədə əvəzlənib. Portuqaliyalının əvəzinə meydana Markus Reşford daxil olub. Meydanı tərk edən Ronaldo əvəzlənməsindən açıq şəkildə narazı olub. O, texniki zonada əyləşdikdən sonra məyus halda başını bulayıb.
Digər xəbərlər
