Tezliklə start götürəcək dünya çempionatında ABŞ yığmasının kapitanı müəyyənləşib.

"Football-plus.az" xəbər verir ki, baş məşqçi Maurisio Poçettino kapitanlıq sarğısını “Şarlott”un 38 yaşlı müdafiəçisi Tim Rimə həvalə edib.

Argentinalı mütəxəssis bu qərarını “onun bizimlə olmasına görə çox şadam. Rim meydandan kənarda da möhtəşəm kapitandı. O, axtardığımız liderlik keyfiyyətlərinə və böyük təcrübəyə malikdi” cümlələri ilə ifadə edib.

Qrup mərhələsində Paraqvay, Avstraliya və Türkiyə ilə qarşılaşacaq ABŞ yığması turnir ərəfəsində Seneqal və Almaniya ilə yoldaşlıq oyunları keçirəcək.