İngiltərənin bir klubu son addımı ilə böyük alqış qazanıb.

Söhbət 1990-cı illərin ortalarında fırtına kimi əsən, hətta 1995-də premyer-liqanın çempionu olan, amma hazırda çempionşipdə çıxış edən ''Blekbern''dən gedir. Bu klub dünən öz stadionunun qapısını müsəlmanlar üçün açıb. Belə ki, ''İvud Park'' yerli vaxtla saat 08.30-dan açılıb. Ramazan bayramı münasibəti ilə bölgədə yaşayan müsəlmanlar stadiona gələrək orda bayram namazı qılıblar. Gün ərzində stadionatəxminən 2000-ə yaxın insanın gəldiyi güman olunur. Bununla da ''Blekbern'' Böyük Britaniyada öz stadionunda namaz qılmağa icazə verən ilk klub kimi tarixə düşdü. Qeyd edək ki, vaxtilə əfsanəvi Alan Şirerin şərəfini qoruduğu ''Blekbern'' premyer-liqada sonuncu dəfə 2011/12 mövsümündə çıxış edib.