“Qarabağ” – “Sabah” oyunu ən fərqli futbol zövqünə malik adamları razı saldı. 6 qol, kəskin dönüş, meydanda və ondan kənarda gərginlik... Bir sözlə, hər şey, hər şey var idi. Cari mövsümün “şah əsəri”ni izlədiyimizi də deyə bilərik. Təsadüfi deyil ki, oyundan sonra futbol ictimaiyyəti belə parlaq oyun-tamaşaya görə heyrət içindədi, iştirakçılara minnətdarlığını çatdırmağa tələsir.

Amma və lakin... Bu oyunu stadiondan izləyənlərin sayı 10361 nəfər yox, bundan ən azı iki dəfə artıq olmalıydı. Bilet satışa bir qədər tez çıxsaydı, qiymət bir qədər ucuz olsaydı, media bir qədər fəal təbliğat aparsaydı, onda “Bəhramov”un tribunaları avrokubok oyunlarını xatırladacaqdı.

Hər halda, bu son deyil. İrəlidə “Qarabağ”la “Sabah” arasında növbəti duel, “Qarabağ”la “Sabah” arasındakı Azərbaycan derbisi var.

Düzdü, bu gün cari mövsümün azarkeş rekordu qırıldı. Amma 10361 də son deyil. Nədənsə əminəm ki, elə bu mövsüm daha çox azarkeşin izləyəcəyi daha bir oyun görəcəyik!

ORXAN