Bu gün keçiriləcək “Qarabağ” - “Neftçi” oyununda 5300 bilet satılıb. Bu barədə “Qarabağ” rəsmi “instaqram” hesabında paylaşım edib.

Qeyd edək ki, bu, mövsüm ərzində olan Azərbaycan derbilərində azarkeş sayına görə 3-cü nəticədi. 23-cü turun “Neftçi Arena”da keçirilən “Neftçi” – “Qarabağ” oyununu (0:1) 9355 azarkeş izləyib. 2-ci ən yaxşı nəticə də “Neftçi”nin ev oyununda qeydə alınıb. 15-ci turun “Neftçi” – “Qarabağ” oyununda (0:3) stadionda 7069 azarkeş olub. Nəhayət, bu komandalar arasında “Azərsun Arena”da keçirilən 7-ci tur oyununu (ağdamlılar 4:0 hesabıyla qalib gəlib) cəmi 3000 tamaşaçı canlı izləyib.

Hər şeydən belə görünür ki, bugünkü oyunda Azərbaycan derbisi üçün cari mövsümün rekordu yenilənməyəcək. Təəssüf...

MÜZƏFFƏR QULUZADƏ