Hər işdə istər-istəməz zamana ehtiyac var. Təhlillər aparılmalıdı. Atılan addım onun üçündü ki, Azərbaycan futbolunda rəqabət artsın. Birdən-birə böyük sıçrayış haqda düşünmək olmaz. Ən vacib olan odu ki, klublarımız avrokubok yarışlarında rəqibləri ilə başabaş oynasın. Əslində bu oyunla da bunu göstərirlər. Yenə deyirəm, böyük uğurlar üçün zamana ehtiyac var. Bir iş görəndə dərhal bəhrə ummaq olmaz. Səbirli olmaq lazımdı. İstənilən addımda vaxt vacibdi. Aşağı yaş qruplarından başlayan problemlər düzəlməlidi. Klublarda edilən islahatlar, gətirilən futbolçuların keyfiyyəti onu göstərir ki, klublarımız yaxşı iş görür. İstənilən uğurlu nəticəyə addım-addım çatılır. “Neftçi”nin yaxşı legionerləri var. Amma komandanın formalaşması, futbolçuların bir-birinə uyğunlaşması üçün vaxta ehtiyac var. “Sumqayıt”, “Şamaxı”, “Araz-Naxçıvan” da yaxşı futbolçular transfer edib. Bu onu göstərir ki, bu mövsüm çempionata rəng qatan futbolçuların sayı çox olacaq. Rəqabət artacaq və klublarımızın yolu inkişafa-tərəqqiyə doğru gedəcək. Yerli futbolçular isə legionerlərlə başabaş mübarizə aparmalıdı, qalib gəlməlidi. Rəqabətə hazır olmalıdılar”.

“Hər çempionata hörmət edirik. Onlar haqda nəsə deyə bilmərəm. Əsas odu ki, rəqabətə hazır olsunlar. Məsələn, Rüfət Abdullazadə Xorvatiya çempionatına gedib. Orda özünü inkişaf etdirib, güclü çempionatlara gedib Azərbaycanın gənc futbolçularına nümunə olmalıdı. Rüfət ilk oyunlarda oynamasa da, artıq meydana çıxdı. Fiziki cəhətdən tam hazır olandan sonra, yəqin ki, davamlı şəkildə oynayar. Aşağı liqalara getməkdənsə, ölkədə qalıb rəqabət aparmaq lazımdı. Daimi rəqabət olan yerdə inkiaf da var. Belə yerdə qalmaq lazımdı. İnkişafdan danışıqırsa, güclü çempionat da şərtdi. Əsas futbolçunun niyyətidi. Xaricdə legioner həyatı yaşayıb Azərbaycan futbolunu inkişaf etdirmək mümkündü. Bir futbolçumuz xaricə gedirsə, o da orda legioner hesab edilir. Ona görə özünü maksimum dərəcədə göstərməlidi. Niyyət özünün və Azərbaycan futbolunun inkişafı olsa, bir çox futbolçular uğurlu olar”.