"Krasnodar"dakı işlərim qaydasındadı. Hələ ki hansısa zirvəni fəth etdiyimi düşünmürəm. Düzdü, yaxşı və uğurlu futbolçu karyerasına malikəm. Amma bunu zirvə saymıram. İdmançısansa, daha böyük nailiyyətlər qazanmaq istəyirsən. Hər gün bunun üçün əziyyət çəkirəm, tər tökürəm. Təbii ki, hədəflərim var. İstəklərimə necə və nə vaxt çatacağım zamana bağlıdı. Məncə, bir qədər səbrli olmalı, üzərimdə daha çox çalışmalıyam. Necə ki, hər gün bunu edirəm".

"Başda şəhidlərimizin anaları, bacıları olmaqla bütün xanımları təbrik edirəm. Anamın ruhu qarşısında baş əyirəm. Özümə olduğu kimi, hər birinə hər şeyin ən yaxşısını arzu edirəm. Allahdan onların ən çətin anlarda mübariz qalmalarını diləyirəm. Ümid edirəm ki, hər zaman bütün çətinliklərin öhdəsindən gələcəklər. Üzlərindən gülüş əskik olmasın".