İngiltərə yığması dünya çempionatı zamanı tornado təhlükəsi ilə üzləşib.

"Football-plus.az" xəbər verir ki, ABŞ-nin Kanzas Siti bölgəsinin böyük hissəsi üçün mümkün tornado ilə bağlı xəbərdarlıq elan edilib.

Yerli vaxtla saat 20:00 radələrində İngiltərə komandasının nümayəndələri ABŞ Milli Meteorologiya Xidmətindən avtomatik bildirişlər alıblar. Mesajlarda güclü tornado təhlükəsinin olduğu qeyd edilib və hər kəsə pəncərələrdən uzaq, möhkəm tikililərdə sığınmaq tövsiyə olunub. Xəbərdarlığa saatda 80 milə (təxminən 130 km/saat) çatan güclü külək ehtimalı səbəb olub.

Təhlükəsizlik məqsədilə Kanzas Sitidə olan milli komandanın bütün üzvlərinə müəyyən müddət ərzində qapalı məkanlarda qalmaq göstərişi verilib.