“Qadın futbolunun inkişafına görə, təəssüf ki, bir çox Avropa ölkəsindən geri qalırıq. Buna baxmayaraq, müəyyən irəliləyiş var. Legioner həyatı yaşayan futbolçularımızın sayı da az deyil. İnanıram ki, hər şey yaxşı olacaq.

Artıq 3 ildi karyeramı Rusiya “Krasnodar”ında davam etdirirəm. Bu yaxınlarda yeni iki illik müqavilə bağladım. Tezliklə çempionat start götürəcək. Bütün diqqətimi ora yönəltmişəm. Ümid edirəm ki, ilk qarşılaşmanı qələbə ilə başa vuracağıq.

Digər peşəkar idmançılar kimi, mənim də məqsədlərim var. Uzun yol qət etdiyim üçün bəzi hədəflərimə artıq çatmışam. Lakin daha çox uğur üçün mübarizə aparıram.
Həm millimizdəki, həm də “Krasnodar”dakı yerimdən məmnunam.

Fürsətdən istifadə edib qadınlar bayramı münasibətilə başda analar olmaqla bütün xanımları təbrik edirəm. Uca Allah hər kəsə xoşbəxt və sağlam ömür bəxş etsin”.