“Əl-Nəssr”in aparıcı futbolçusu Kriştiano Ronaldonun şəxsi təyyarəsi Mançesterdəki hava limanında qalıb. Bu barədə “The Sun” məlumat yayıb.

"Football-plus.az" xəbər verir ki, 40 yaşlı hücumçunun “Bombardier Global Express 6500” adlı təyyarəsinin qiyməti 76 milyon dollardı. Xəbərdə təyyarənin pəncərələrindən birində çat yarandığı üçün hava limanında qaldığı bildirilib. Təyyarənin tam təmir olunanadək heç bir uçuş edə bilməyəcəyi də vurğulanıb.

Kriştianonun bu nəqliyyat vasitəsi ilə Mançesterə gedib-getmədiyi məlum deyil. Bir müddət əvvəl onun təyyarəsinin Mançester şəhərində göründüyü haqda məlumatlar yayılmışdı.

Maraqlıdı ki, bu xəbər “Mançester Yunayted” azarkeşlərinin forvardın kluba qayıdacağına dair fərziyyələrinə yol açmışdı. Onun Asiya Çempionlar Liqasının “Persepolis”lə oyununda “Əl-Nəssr”in heyətində görünməməməsi söz-söhbətləri daha da artırıb.

Xatırladaq ki, Ronaldo MY-də 2003-09 və 2021-22-ci illərdə çıxış edib.