Türkiyə çempionatının 24-cü turunda ''Fənərbaxça'' ''Kasımpaşa''nı qəbul edəcək.

''Football-plus.az'' xəbər verir ki, Joze Mourinyonun komandası superliqada qələbə seriyasını 7 oyuna yüksəltməyə çalışacaq. Bu arada federasiyanın bu matça təyin etdiyi hakim ''Fənər'' fanatları tərəfindən birmənalı qarşılanmayıb. Söhbət Əli Şansalandan gedir. Belə ki, bu hakim təxminən 40 aydan sonra ilk dəfə ''sarı-lacivərdlilər''in oyununa təyinat alıb. O sonuncu dəfə 2021-ci ilin oktyabrın 17-də ''Fənər''in səfərdə ''Trabzonspor''a qarşı oyununu idarə etmişdi. Şansalan 23-cü dəqiqədə o dönəm İstanbul nəhənginin şərəfini qoruyan Kim Min Ceyə ikinci sarı vərəqəni göstərərək onu meydandan qovmuşdu.

Nəticədə həmin an hesabda öndə olan və uzun müddət azlıqda oynamaq məcburiyyətində qalan ''Fənər'' 3 top buraxaraq 1:3 hesabı ilə məğlub olmuşdu. Qarşılaşmanın ardından ''Fənər'' cəbhəsi qiyamət qaldırmış və hakimə çox böyük etiraz etmişdi. Başqan Əli Koç Əli Şansalanı ''Əli matç alan'' adlandırmış, fanatları İstanbul hava limanına toplaşmağa və etiraz aksiyası keçirməyə çağırmışdı. Federasiya o dönəmdə bu ədalət təmsilçisinə 3 həftə oyun verməmişdi. 36 yaşlı hakimin uzun müddətdən sonra ilk dəfə məhz bu həftə ''Fənər''in oyununa təyinat alması fanatlar tərəfindən birmənalı qarşılanmayıb.

Çünki sonrakı oyun ''Qalatasaray''a qarşıdı. Fanatların fikrincə Şansalan yenə ''Fənər''ə qənim kəsilərək mövsümün ən vacib oyunu ərəfəsində komandaya qarşı qərəzli mövqe tuta bilər.

ƏLİ