Dünən Türkiyə çempionatının 11-ci turunda ''Fənərbaxça'' ''Trabzonspor''u qəbul etdi.

"Football-plus.az" xəbər verir ki, İstanbul nəhəngi aşkar favorit sayılsa da, 47-ci dəqiqədə artıq qonaqlar 3:0 öndə idilər. Qalan vaxtda Tadiçin penaltidən vurduğu qollarla fərq minimuma ensə də, matçı azlıqda bitirməli olan ''Fənər''in bundan artığına gücü çatmadı. Nəticədə ''sarı-lacivərdlilər''in iyunun əvvəllərindən bu yana davam edən rəsmi matçlardakı 21 oyunluq qələbə seriyası başa çatdı.

Bundan başqa ''Trabzonspor'' həm də superliqa çərçivəsində Kadıköydə 26 illik qələbə həsrətinə son qoydu! Trabzon təmsilçisi bu rəqibini çempionatda sonuncu dəfə səfərdə 1997-ci ilin avqustunda məğlub etmişdi. O vaxtdan bu yana ''Fənər'' ''Trabzonspor''a qarşı evdə keçirdiyi 26 qarşılaşmadan 14 qələbə, 12 bərabərliklə ayrılmışdı.

ƏLİ