“Ayaks” üç oyunda 7 xal toplayıb. Amma necə? Çox zəif oyunla. Əvvəlki “Ayaks”a olan həsrətimiz davam edir. Ona görə ki, futbolçular hələ də hansı klubun şərəfini qoruduğunu dərk etməkdə çətinlik çəkir. Komanda ilk 15 dəqiqədə yalnız müdafiə olundu. “Qarabağ” onları cərimə meydançasının yaxınlığına qədər sıxışdırmışdı. “Ayaks” nəinki 11, 9 nəfərlə belə mübarizə aparan rəqibə qol vurmağa cürət etmirdi. Sadəcə, şotlandiyalı hakimin penalti hədiyyəsi “Ayaks”a qələbə qazandırdı”.

“Ayaks” Azərbaycanda Avropa Liqasının pley-off mərhələsinə doğru növbəti addımını atdı. Amma bunun parlaq qələbə sayəsində baş verdiyini deməyəcəm. Çünki amsterdamlılar Julio Romao və Nikolas Uolşun səhvləri sayəsində “Qarabağ”ın güclü təzyiqindən xilas oldu və üç xala yiyələndi. Azərbaycanlılar birinci hissədə braziliyalı futbolçusunun axmaq folu üzündən azlıqda qaldı, ikinci yarıda isə şotlandiyalı hakim qəribə penalti qərarı verdi. “Ayaks”ın oyunçuları matç ərzində ciddi səhvlərlə yadda qaldı. Məncə, Françesko Farioli komandasına uzun müddət çılğın hücum futbolu oynamağı öyrədə bilməyib. Çünki gördüklərimin səliqəli və tutarlı tərzlə heç bir əlaqəsi yox idi. “Qarabağ” 65-ci dəqiqəyə qədər çox gözəl oyun keçirdi və hesabda geri düşməsinə baxmayaraq, hər an qol vura biləcəyini göstərdi. Onlara, sadəcə, bir yaxşı hücum və qol lazım idi ki, motivasiyalarını bərpa edib qələbə üçün irəli atılsınlar. Tribunalarda da ciddi izdiham izlədim. Azarkeşlər oyun ərzində iki dəfə dəhşətə gəldi və az qala stadionu silkələyəcəkdilər. Onlar qırmızı vərəqələrin və penalti qərarının verildiyi anlarda özündən çıxmışdı. Lakin 500 niderlandı azarkeş 30 min azərbaycanlı tərəfdarın öhdəsindən gələ bildi”.

“Ayaks” 3 xal qazandı. Amma necə? Romao qırmızı vərəqə alandan sonra “Qarabağ” uzun müddət 10, Elvinin meydandan qovulmasından sonra isə 9 nəfərlə mübarizə apardı. Maraqlıdı ki, azərbaycanlılar 10 nəfərlə oynayanda azlıqda olduqları hiss edilmədi. “Ayaks” matça çox zəif başladı və heç cür hücum edə bilmədi. Əvəzində rəqib toru silkələsə də, ofsaydın qeydə alınması bizi qorudu. Şübhə yoxdu ki, “Ayaks”ın qələbəsinə məhz meydan sahibləri kömək etdi. “Qarabağ”ın hegemon oyununu görməzdən gələ bilmərik. Onlar “Yuventus”dan gələn Daniele Ruqani üçün də fürsət yaratmırdılar. Yosip Şutalo da çox yavaş idi...

Hər halda, “Qarabağ”ın 9 nəfərlə qalması, qapısına penalti təyin edilməsi, şanslarını boşa verməsi “Ayaks”ın böyükhesablı qələbə qazanmasıyla nəticələndi. Sevinə bilərikmi? Hələ ki yox. “Ayaks”ın belə sadə oyun tərzi, Azərbaycan çempionuna onun səhvləri nəticəsində qalib gəlməsi bizim üçün uğurlu gələcək vəd etmir. Bütün rəqiblərin bu qədər səhvə yol verməsi mümkündümü?”