“Yeni müqavilə imzalananda rəhbərliklə razılığa gəlmişdik ki, komanda Çempionlar Liqasının əsas mərhələsinə vəsiqə qazanmasa, vəzifəmdən ayrılacam. Təəssüf ki, qarşıya qoyulan məqsədə çata bilmədik. Bu üzdən razılığa əməl etdim. İndi başqa klubla anlaşmaq niyyətində deyiləm. Bütün fikrimi millidəki işlərə yönəldəcəm. Yüksək liqa başlayandan sonra oyunları izləyib lazımi məlumatları toplayacam. Həmçinin noyabrda Bosniya və Hersoqovina yığmasıyla yoldaşlıq oyunları keçirəcəyik. Bilindiyi kimi, yığma yenidən qurulur. Yerli futzalçılardan ibarət bacarıqlı komanda qurmaq istəyirik”.

“Rövşən millinin dəyərli və təcrübəli üzvlərindən biridi. Yığmanın onun kimi qapıçıya ehtiyacı var. Sonuncu toplanışda Rövşəni də görmək istəyirdim. Lakin Qazaxıstandan Azərbaycana gələ bilmək üçün viza problemini həll etmədi. Növbəti oyunlarda mütləq millimizin heyətində olacaq”.