"Qarabağ" çərşənbə axşamı Çempionlar Liqasının pley-offunda Zaqreb "Dinamo"sunun qonağı olacaq.

"Football-plus.az"ın məlumatına görə, Ağdam təmsilçisi Xorvatiyada keçiriləcək ilk oyuna itkilərlə yollacaq. Söhbət Marko Yankoviç, Marko Veşoviç, Musa Qurbanlı və Şahruddin Məhəmmədəliyevdən gedir. Yankoviç təxminən 1 ay, Veşoviç isə 20 gün yaşıl meydanlarda görünməyəcək. Başqalarının müalicə prosesi də davam edir.

"Köhlən atlar" avqustun 19-u, saat 15.30-da çarter reysiylə Xorvatiyaya, daha dəqiqi, Zaqrebə yollanacaq. "Şeraton" otelində məskunlaşacaq komanda matçdan dərhal sonra vətənə qayıdacaq.

Həmçinin bazar ertəsi Bakı vaxtıyla saat 21.45-də "Qarabağ"ın baş məşqçisi Qurban Qurbanovun mətbuat konfransı, 22.15-də isə komandanın media nümayəndələri üçün açıq məşqi baş tutacaq.

Xatırladaq ki, oyun avqustun 20-si, saat 23.00-da başlayacaq.

KƏNAN BAHADIR