Ukrayna çempionatının son turunda Konfrans Liqasına son iki vəsiqənin taleyi həll olunacaqdı.

“Football-plus.az” xəbər verir ki, bu vəsiqəyə üç iddialı var idi: “Dnepr-1”, “Rux” və “Polesye”. “Dnepr-1” və “Polesye” qələbə qazanmaqla vəzifənin öhdəsindən gəldi. Emil Mustafayevin 90 dəqiqə meydanda olduğu oyunda “Polesye” son çempion və kubokun sahibi “Şaxtyor”u iki cavabsız qolla məğlub etdi. “Rux” isə evdə “Dinamo”nun gənclərdən qurulan heyətinə qalib gələ bilmədi.
Beləliklə, Ukraynanı avrokuboklarda təmsil edəcək komandalar müəyyənləşdi. “Şaxtyor”la (“Real” “Borussiya”ya qalib gələrsə, birbaşa qrupa düşəcək, əks halda 4-cü təsnifat mərhələsinə) Dinamo (2-ci təsnifat mərhələsi) Çempionlar Liqasında, “Krivbass” Avropa Liqasında (3-cü təsnifat mərhələsi), “Dnepr-1” və “Polesye” Konfrans Liqasında (2-ci təsnifat mərhələsi) mübarizə aparacaq. Yeri gəlmişkən, Jitomir klubu avrokuboklarda dübüt edəcək. Mövsümün son oyunlarına Sergey Şişenkonun rəhbərliyi altında çıxan “Polesye”ni artıq İmad Aşur çalışdıracaq.

Mövsümü son iki pillədə bitirən “Minay” və “Metallist 1925” elita ilə vidalaşdı. Onları 1-ci liqanın qalibləri – “İnqulets” və “Karpatı” əvəz edəcək. Elitada 13-14-cü yerləri tutan “Veres”lə “Obolon” aşağı dəstədə 3-4-cü pillələrdə qərarlaşam “Episentr” və “Levıy Bereq” komandaları ilə pley-off oyunları keçirəcək.

30-cu tur
Polesye – Şaxtyor 2:0
Pedrinyo, 27-öz qapısına. Lyufer, 29.
Şaxtyor: Tvardovski, Qoçoleyşvili, Rakitski (Lemkin, 23), Pedrinyo (Sikan, 63), Miroşi, Bondarenko (Krıskiv, 62), Nazarina, Qomes (Sukanov, 63), Kevin, Traore, Şved.
Rux – Dinamo 1:2
Didık, 63 – Diallo, 51. Sarenko, 76.
Dinamo: Neşeret, Belovar (Mixavko, 74), Dubinçak, Karavayev, Popov (Sirota, 61), Andriyevski (Dyaçuk, 64), Buyalski (Sarenko, 46), Voloşin (Malış, 46), Diallo, Şepelev, Benito.
Zarya – Kolos 0:1
Karioka, 75.
Krivbass – Minay 3:0
Ponedelnik, 38. Kuzık, 42. Kojuşko, 66.
LNZ – Vorskla 1:0
Til, 16.
Metallist 1925 – Veres 1:2
Yurçenko, 74 – Daxnovski, 33. Qayduçik, 62.
Obolon – Aleksandriya 0:3
Bezerra, 24; 61. Kovalets, 49.
Çernomorets – Dnepr-1 0:2
Oçeretko, 45. Tretyakov, 73.
Yekun cədvəl
1. Şaxtyor 30 22 5 3 63-24 71
2. Dinamo 30 22 3 5 72-28 69
3. Krivbass 30 17 6 7 51-30 57
4. Dnepr-1 30 14 10 16 40-27 52
5. Polesye 30 14 8 8 39-30 50
6. Rux 30 12 13 5 44-31 49
7. LNZ 30 11 8 11 31-34 41
8. Aleksandriya 30 8 10 12 30-38 34
9. Vorskla 30 9 6 15 30-46 33
10. Zarya 30 7 11 12 29-37 32
11. Kolos 30 7 11 12 22-31 32
12. Çernomorets 30 10 2 18 38-47 32
13. Veres 30 6 10 14 31-46 28
14. Obolon 30 5 11 14 18-41 26
15. Minay 30 5 10 15 27-50 25
16. Metallist 1925 30 5 8 17 32-57 23
Bombardirlər: Vanat (Dinamo) – 14, Buyalski (Dinamo), Sikan (Şaxtyor) – 10.