“Metallist 1925” “Rux”la ev oyununda darmadağın oldu.

"Football-plus.az" xəbər verir ki, rəqibini Kiyevdə qəbul edən xarkovlular ilk yarıda 4 qol buraxdı. Amma lvovlular 2-ci hissənin lap əvvəlində, 50-ci dəqiqədə Vitin meydandan qovulması üzündən azlıqda qaldı. “Metallist 1925”in gücü yalnız qollardan birinin əvəzini çıxmağa çatdı.

Bir ara liderlər qrupunda olan “Polesye” indi məğlubiyyətləri sıralayır. Emil Mustafayevin də şərəfini qoruduğu Jitomir klubu 2-ci dəqiqədə azlıqda qaldı, 10-cu dəqiqədə qapısında qol gördü və məğlubiyyətdən qurtula bilmədi. “Obolon” son 10 oyunda ilk qələbəsini qazandı, “Polesye” ardıcıl 3-cü oyunda uduzdu. Sergey Şişenkonun bu komandanın “sükanı arxasındakı” debütü uğursuz oldu. Emil 74-cü dəqiqədə meydana çıxdı və faydalı hərəkətlə yadda qalmadı.

Çempionluq uğrunda mübarizə aparan “Krivbass” “Kolos”la oyunda qələbə topunu 5-ci uzatma dəqiqəsində vurdu. Xal hesabında “Şaxtyor”a çatan Krivoy-Roq klubunun donetsklilərlə müqayisədə iki oyun artıq keçirdiyini də xatırladaq.

Turun son oyunu bazar günü keçirildi. “Qara zolağa düşən” “Çernomorets” bu dəfə evdə autsayder “Veres”ə uduzdu. Roman Qriqorçukun çalışdırdığı odessalılar artıq 4 oyundu qələbəyə həsrətdi.

21-ci tur
Metallist 1925 – Rux 1:4
İmerekov, 84 – Plüman, 17-p.; 36. Kvasnitsa, 20. Pidqurski, 34.
Obolon – Polesye 1:0
Çernenko, 10.
Krivbass – Kolos 1:0
Bizimana, 90+5.
Çernomorets – Veres 0:1
Mrvalyeviç, 6.
Turun qalan oyunları martın 12-15-i aralığında keçirilib: LNZ – Dnepr-1 1:1, Dinamo – Zarya 2:0, Şaxtyor – Minay 2:0, Aleksandriya – Vorskla 1:0.
1. Şaxtyor 19 13 4 2 39-17 43
2. Krivbass 21 13 4 4 38-22 43
3. Dnepr-1 21 11 6 4 29-19 39
4. Dinamo 18 12 2 4 41-21 38
5. Rux 21 9 9 3 32-21 36
6. Polesye 21 9 6 6 26-17 33
7. Vorskla 21 8 5 8 21-28 29
8. LNZ 20 6 7 7 20-23 25
9. Kolos 20 5 9 6 15-15 24
10. Çernomorets 20 7 2 11 26-28 23
11. Aleksandriya 20 6 5 9 15-24 23
12. Zarya 18 4 7 7 18-21 19
13. Obolon 20 4 6 10 12-25 18
14. Veres 20 3 7 10 18-31 16
15. Metallist 1925 21 4 4 13 21-39 16
16. Minay 19 1 7 11 9-29 10
Bombardirlər: Vanat (Dinamo) – 10, Filippov (Dnepr-1) – 8, Buyalski (Dinamo), Kojuşko (Krivbass), Ştoqrin (Çernomorets) - 7.