Hesabat turuna “Krivbass” – “Çernomorets” oyunu ilə yekun vuruldu.

"Football-plus.az" xəbər verir ki, Krivoy-Roqda 10 turun yekununa görə aralıq lider müəyyənləşə bilərdi ki, belə də oldu. “Krivbass” Prixodkonun 58-ci dəqiqədə penaltidən vurduğu qolla önə keçdi və qələbəni əldən vermədi. Yaxşı tanıdığımız Roman Qriqorçukun çalışdırdığı “dənizçilər” məğlubiyyətdən qurtula bilməsə də, 5-ci pilləni əldən vermədi.

Çempionluğa iddialılardan “Dinamo” gözlənilmədən səfərdə “Polesye”yə uduzdu. Elitanın debütantı olan Jitomir klubu kiyevlilərin qapısından 3 top keçirməyi bacardı. Soydaşımız Emil Mustafayev komandasının qələbəsini ehtiyat oyunçular skamyasından izlədi.

Ardıcıl, özü də “quru” qələbələrinin sayını 3-ə çatdıran “Dnepr-1” də turnir cədvəlində irəliləməkdədi. Ötən mövsümün gümüş mükafatçısı “Veres”i iki qolla məğlub etdi. Elitanın daha bir debütantı “Obolon” “Metallist 1925” ilə dueldən qalib ayrıldı.

Ümumiyyətlə, hesabat turu məhsuldar keçmədi. Yalnız yuxarıda haqqında danışdığımız “Polesye” – “Dinamo” oyununda ikidən artıq qol vuruldu. Turun birdən-birə üç oyununda (LNZ – Aleksandriya, Kolos – Vorskla, Rux – Minay) qapılara qol vurulmadı.

10-cu tur
Polesye – Dinamo 3:2
Kruşinski, 15. Budkovski, 64. Kozak, 70 – Buyalski, 4; 51-p.
Dinamo: Buşan, Dubinçak, Dyaçuk, Karavayev, Sirota, Tımçik (Benito, 68), Voloşin (Kabayev, 68), Buyalski, Andriyevski, Brajko, Vanat.
Dnepr-1 – Veres 2:0
Filippov, 10. Vovçenko, 31-öz qapısına.
Dnepr-1: Volınets, Adamyuk, Svatok, Lednev (Pasiç, 61), Qorbunov (Kapliyenko, 60), Pixalenok, Rubçinski (Koşta, 82), Sarapi, Babenko, Filippov (Tançik, 61), Qutsulyak (Miroşniçenko, 79).
Krivbass – Çernomorets 1:0
Prixodko, 58-p.
Obolon – Metallist 1925 1:0
Krasnopir, 33.
LNZ – Aleksandriya 0:0
Kolos – Vorskla 0:0
Rux – Minay 0:0
“Zarya” – “Şaxtyor” oyunu təxirə salınıb.
1. Krivbass 10 6 2 2 19-10 20
2. Polesye 10 6 1 3 15-8 19
3. Şaxtyor 9 5 3 1 17-10 18
4. Rux 9 4 4 1 14-8 16
5. Çernomorets 10 5 1 4 15-11 16
6. Dinamo 7 5 0 2 22-13 15
7. Dnepr-1 8 4 3 1 9-5 15
8. Vorskla 9 4 1 4 10-15 13
9. Kolos 10 2 6 2 6-7 12
10. Obolon 10 3 3 4 6-10 12
11. Metallist 1925 9 3 2 4 6-7 11
12. LNZ 10 2 3 5 8-12 9
13. Aleksandriya 10 2 3 5 7-16 9
14. Zarya 8 1 3 4 6-10 6
15. Veres 9 1 3 5 6-12 6
16. Minay 10 0 4 6 6-18 4
Bombardir: Buyalski (Dinamo) - 6.
Növbəti turun oyunları oktyabrın 20-22-si aralığında keçiriləcək: Obolon – Zarya, Metallist 1925 – Krivbass, Çernomorets – Minay, Şaxtyor – LNZ, Aleksandriya – Kolos, Veres – Rux, Vorskla – Polesye, Dinamo – Dnepr-1.