“Qarabağ”la İslandiya təmsilçisi arasında fərqi görünürdü. Rəqibin aşağı liqada çıxış etməsi, futbolçuların keyfiyyət fərqi ortada idi. “Qarabağ” istədəyini əldə etdi. Futbolda əsas nəticədi. Sizin iradınızı şərh etsəm, mövsümün ilk rəsmi matçı idi. Yoldaşlıq oyunlarında futbolçular o qədər də motivasiyalı olmur, rəsmi matçların öz həyəcanı var. Onu da nəzərə alaq ki, “Qarabağ”da yenilənmə gedir. Start heyətində iki yeni oyunçu şans qazansa da, matçın gedişində daha bir neçə futbolçu çıxış etdi. Hələ çempionatın, mövsümün əvvəlidi deyə, komanda yavaş-yavaş formalaşmağa başlayır. Belə rəqibin düşməsi də “Qarabağ”ın xeyrinə oldu ki, çətinlik çəkməsin. 3-4 matçdan sonra Ağdam təmsilçisi ən yaxşı formasına çatacaq. Dünya futbolunda da belədi. Çempionatda yeni mövsüm başlamayıbsa, sənin problemlərin olmalıdı. Həm oyun, həm də xətlərarası əlaqənin qaydaya salınması, yeni oyunçuların uyğunlaşması baxımından çətinliklər olacaq. Çoxlu matç keçirdikcə bu problemlər aradan qalxacaq”.