Vedat Muriqinin ardından daha bir təcrübəli mərkəz hücumçusu transfer etmək istəyən ''Fənərbaxça'' Seru Girassidən vaz keçməli olub. Daha doğrusu, Dortmund ''Borussiya''sının üzvü ''Fənər''in bütün cəhdlərinə baxmayaraq Türkiyədə oynamaq istəməyib.

''Bild''in paylaşdığı xəbərə görə Girassi karyerasını yalnız ''böyük beşlik'' ölkələrindən birində davam etdirmək arzusundadı. Halbuki Əziz Yıldırım prezident vəzifəsinə qayıtdıqdan bu yana İstanbul nəhəngi bu oyunçunu heyətə cəlb edə bilmək üçün bütün gücünü ortaya qoymuşdu. ''Fənər''in ''Borussiya''ya 30-35 milyon avro civarında təklif irəli sürdüyü bildirilirdi. Amma qvineyalı forvardın bu qərarından sonra ''sarı-lacivərdlilər'' alternativ variantlara yönəlməli olublar.

Önə çıxan isim ''Aston Villa'' və İngiltərə yığmasının forvardı Olli Uotkinsdi. Amma hələlik ortada heç bir anlaşma yoxdu. 30 yaşlı Girassi ötən mövsüm 42 rəsmi oyunda aktivinə 22 qol, 6 məhsuldar ötürmə yazıb.

Onu da bildirək ki, ''Fənər''in yeni transferi Natan Ake bu gün Avstriyaya gələrək komandanın hazırlığına qoşulub.